షైతాన్‌తో ఇంటర్‌వ్యూ

వలీద్‌: రోజురోజుకీ సమాజం బొత్తిగా పనికిరాకుండా పోతుంది.
షైతాన్‌: నువ్వో దేశోద్ధారకుడివి! నీదో సాత్విక ఆలోచననూ! వారి పాట్లు వాళ్లు పడతారు గాని, నీ సంగతి నీవు చూస్కో చాలు...
వలీద్‌: నువ్వు ఎన్నయినా చెప్పు... ఎలాగైనా సరే ప్రజల్ని ఈ గండం నుంచి గట్టెక్కించాల్సిందే. వారికి పనికొచ్చే హితవులు చేసి తీరాల్సిందే. హాఁ!
షైతాన్‌: అబ్బబ్బ...అబ్బబ్బ... ఏం దేశాభిమానం! ఏం ప్రజా శ్రేయం! కోరి మరి తలకొరివి పెట్టించుకుంటానంటే కాదనడానికి నేనెవడ్ని అంటా...
వలీద్‌: ప్రజల్ని ముప్పు నుండి రక్షించడం ప్రమాదం ఎలా అవుతుంది.? ఇది అందరికీ ప్రయోజనకరమైన కార్యం కదా!
షైతాన్‌: నంగనాచి తంగుబుర్రలా ఏమి తెలియనట్టు మాట్లాడుతున్నావే! నిజం చెప్పు... నీలో మాత్రం పదవి వ్యామోహం లేదూ? నలుగురూ నిన్ను గొప్పవాణ్ణి అని చెప్పుకోవాలన్న ఆశ లేదు? మరి ప్రదర్శనాబుద్ధి అన్నివిధాల ప్రమాదకరమే కదా! నువ్వెంత చేసినా చిత్తశుద్ధి లేకపోతే బూడిదలో పోసిన పన్నీరే కదా నీ ప్రజాసేవ కార్యాలు. అలా చేస్తే ప్రభువు కూడా నిన్ను మెచ్చుకోడు కదా. మరి నరక కూపంలో నెట్టేస్తాడాయే!
వలీద్‌:  ఏందయ్యో నువ్వు! మెడకేస్తే కాలికి, కాలికేస్తే మెడకేస్తున్నావ్‌?
నీ మాటలతో నా బుర్ర తినేస్తున్నావే. సరే నాక్కావాల్సిన కొందరు వ్యక్తుల సమాచారం అందిస్తావా?
షైతాన్‌: ప్రముఖుల గురించైనా, ప్రజల గురించైనా నువ్వడగాలే గాని ఇట్టే చెప్పెయ్యను!?

వలీద్‌: ఇమామ్‌ అహ్మద్‌, ఇమామ్‌ షాఫయీ, ఇమామ్‌ మాలిక్‌, ఇమామ్‌ అబూ హనీఫా (రహ్మ) గురించి నీ ఒపీనియన్‌?
షైతాన్‌: నన్ను తలెత్తుకు తిరగకుండా చేసింది వీరే. ''ఖుర్‌ఆన్‌ మరియు హదీసులను గట్టిగా పట్టుకోండి'' అని ప్రజలకు చెప్పి నా నోట్లో మట్టి పోశారు. నా కొంప ముంచారోయ్‌.
వలీద్‌: ఫిర్‌ఔన్‌, నమ్రూద్‌, వలీద్‌ బిన్‌ ముగైరా గురించి నీ అభిప్రాయం?
షైతాన్‌: అలాంటి వారందరికీ నా మద్దతు సదా ఉంటుంది. నా సామ్రాజ్యాన్ని థ దిశల వ్యాపింపజేసింది ఈ వర్గమేనోయ్‌.
వలీద్‌:  ఖాలిద్‌ బిన్‌ వలీద్‌, సలాహుద్దీన్‌ అయ్యూబీ, ముహమ్మద్‌ బిన్‌ అబ్దుల్‌ వహ్హాబ్‌, ముహమ్మద్‌ బిన్‌ ఖాసిమ్‌?
షైతాన్‌: వాళ్ళంటేనే నాకు ఒళ్ళు మండుతుంది. సలసల కాగే నూనె పెనములో వేయించాలి వీరందరిని.
వలీద్‌:  అబూ జహల్‌, అబూ లహబ్‌,సల్లాన్‌ రష్దీ, ఉమ్మె జమీల్‌, తస్లీమా నస్రీన్‌?

షైతాన్‌: మేమందరం ఒకే కుటుంబీకులం. మా అందరి లక్ష్యమూ ఒక్కటే. మానవుల్ని మార్గభ్రష్టుల్ని చేయడం. వీరందరూ మా వ్యవస్థకు వృద్ధీవికాసాలు ఇచ్చిన గొప్ప తత్వవేత్తలు...! ఆ మధ్య వీరిలో కొందరికి గొప్పగా సన్మానం కూడా జరిగింది తెలీదూ?

ఎయిడ్స్‌ నివారణా మార్గంలో ఇస్లాం దృక్పథం

1) ''ఆరోగ్యకరమయిన చర్మంలో ఏయిడ్స్‌ను ఎదుర్కొనే శక్తి ఎక్కువ ఉంటుంది'' అన్నది నేటి శాస్త్రవేత్తల మాట. ఇక్కడ మనం ఇస్లాం ఉపదేశాన్ని నెమరు వేసుకోవాలి. అది రోజుకు అయిదు సార్లు వుజూలో మన అవయవాల్ని కడగాల్సిందిగా, కాలకృత్యాల తీర్చుకున్న తర్వాత శుద్ధ పొందాల్సిందిగా పురమాయిస్తుంది. మనిషి తన చర్మాన్ని సురక్షితంగా ఉంచుకునే విషయంలో ఇస్లాం సూచించిన ఈ విధానంకన్నా మేలయినది ఏది లేదు. 

2) పరిశోధన వల్ల వెల్లడయిన విషయం - ''అసంబద్ధ రీతిలో రతిలో పాల్గొనడం (గుదము నుండి రతి జరపడం) వల్ల ఎయిడ్స్‌ సోకే, వ్యాపించే అవకాశం ఎక్కువ ఉంది'' అని. ఈ విషయంలో సయితం ఇస్లాం గొప్ప మార్గదర్శకత్వమే వహిస్తుంది. అది హోమియో సెక్స్‌ను వారించడమే కాక, పురుషు తన భార్యతో గుదము ద్వారా రతి జరపకూడదు అని హెచ్చరి స్తుంది. 

3) ''సంభోగ సమయంలో రక్తస్త్రావం జరుగుతుంటే ఎయిడ్స్‌ సోకే అవకాశం ఎక్కువ ఉంటుంది'' అన్నది నిపుణుల మాట. ఈ విషయంలో ఇస్లాం ఏమంటుందంటే, ''పురుషుడు తన భార్యతో బహిష్టు సమయంలో సంబోగించకూడదు'' అని. 

4) నేటి పరిశోధనలన్నీ తీర్మానించిన విషయం - ''సకల విధమయినటుంటి అక్రమ లైంగిక సంబంధాలను పరిత్యజించడం ద్వారా మాత్రమే ఎయిడ్స్‌ను నివారించగలం'' అన్నది. నేడు ఇన్ని నష్టాలు, కష్టాల తర్వాత పరిశోధకులు తెలియజేస్తున్న ఈ విషయాలు 1436 సంవత్సరాల క్రితం ప్రవక్త ముహమ్మద్‌ (స) వారి ప్రవచనాలకు ప్రతిబింబంగా నిలువడం ఇస్లాం ప్రకృతి ధర్మం అనడానికి ప్రబల తార్కాణం!